HITACHI-nin yapon nümayəndələri A-kond MMC-ni ziyarət etdi

2016-cı ilin son ayında A-kond MMC olaraq daha bir qonaq qarşıladıq. Mərkəzi kondisioner sistemləri sahəsində dünyanın ən qabaqcıl markalarından biri olan HITACHI firmasının ticarət və biznes sahəsinin, beynəlxalq satış və servis departamentinin Yaponya ofis meneceri HARUA TODA, Türkiyə və Qafqaz bölgəsi distirbütorlər meneceri MEHMET BAHADIR TAŞKONAK qonaqlarımız olmuşdur. Qonaqların gəliş məqsədinin əməkdaşlığın daha da güclənməsi yönündə olduğunu nəzərə alsaq müzakirələrin hər iki tərəf üçün uğurla başa çatdığını deyə bilərik. 2017-ci ildə A-kond MMC HITACHI firmasını Azərbaycan bazarında daha güclü təmsil edəcəkdir.
İclasdan sonra xarici firma nümayəndələri ilə Akond şirkətinin yeni binasında ekskursiya keçirilmişdir, həmçinin qonaqların Bakıda ilk dəfə olduqlarını bildiyimiz üçün onları şəhərimizin turistik məkanları ilə də tanış etdik. Gəzinti müddətində şirkətin yerli bazar potensialı barəsində ətraflı məlumat verilmişdir.

Hisense UEFA EURO 2016-da 10 qlobal sponsordan biri!

Azərbaycandakı rəsmi distributoru olan Akond MMC Hisense-in UEFA EURO 2016-nın ən böyük 10 qlobal sponsorundan biri olmasından qürur duyur! Hisense Group UEFA EURO 2016 qlobal sponsoru olaraq yarışa 56 ildə sponsor olan ilk Çin brendi kimi tarixə düşdü. Hisense sponsorluğunu 2017-ci ilin sonuna kimi davam etdirəcək. Həmçinin Hisense 2018 FIFA World Cup-un seçim turları, UEFA Futsal EURO 2016, 2017 UEFA European Under-21 Championship, Qadınlar üzrə UEFA EURO 2017-yə də sponsorluq edəcək.
UEFA EURO 2016-nın marketing direktoru Laurent Epstein “Biz Avropa və Amerikada ən sürətlə böyüyən Çin markası Hisense-i qəbul etməyə şadıq, xoş gəldin sponsor ailəmizə”! deyərək əməkdaşlıqlarını müsbət dəyərləndirib. Hisense Group-un vitse prezidenti Cheng Kaixun isə “Biz qürur duyuruq ki, UEFA EURO 2016 qlobal sponsorlarından biriyik! Hisense Çin brendləri içində idmana dost olması ilə seçilir, son illərdə dünyada yayılan idman marketinginin uğuru bizi şad edir. UEFA ilə əməkdaşlıq bizim xeyrimizədi.” deyərək öz məmnuniyyətlərini bildirib.
Qeyd etmək istərdik ki, UEFA EURO 2016-da Hisense-in adı Carlsberg, Coca-Cola, Continental, Hyundai-Kia, McDonald’s, Orange, SOCAR və Turkish Airlines kimi 9 nəhəng şirkətlə bir sıradadı.

Şüvəlan qəsəbəsində 2 nömrəli xüsusi internat məktəbinin açılışı olub!

Noyabrın 23-də Azərbaycanın birinci xanımı, Heydər Əliyev Fondunun prezidenti Mehriban Əliyeva Xəzər rayonunun Şüvəlan qəsəbəsində sağlamlıq imkanları məhdud uşaqlar üçün 2 nömrəli xüsusi internat məktəbinin yenidənqurmadan sonra açılışında iştirak edib.

Məktəb 1962-ci ildən fəaliyyət göstərir. 2013-cü ildə Heydər Əliyev Fondu tərəfindən burada yeni tədris binası tikilib. Məktəbdə eşitmə və nitq qüsuru olan şagirdlər təhsil alırlar. Burada təhsil iki şöbəlidir. Birinci şöbə eşitmə qüsurları yüngül, ikinci şöbə isə ağır formada olan şagirdlər üçün nəzərdə tutulub.

Qeyd etmək istərdik ki, Şüvəlan 2 nömrəli xüsusi internat məktəbininin yenidənqurma işlərində qazanxana, havalandırma, isitmə və soyutma sistemləri məhz bizim firmaya məxsusdur!

Atletlər və Media kəndlərinin açılışı oldu!

Bakıda birinci Avropa Oyunlarının Atletlər və Media kəndlərinin açılışı olub. Azərbaycan Respublikasının Prezidenti İlham Əliyev və xanımı, birinci Avropa Oyunları Təşkilat Komitəsinin sədri Mehriban Əliyeva avadanlıq satışı Akond MMC tərəfindan reallaşdırılan Atletlər və Media kəndlərinin açılışında iştirak ediblər.
Gənclər və idman naziri, birinci Avropa Oyunları Əməliyyat Komitəsinin baş icraçı direktoru Azad Rəhimov dövlətimizin başçısına və xanımına görülmüş işlərlə bağlı məlumat verdi. Qeyd edildi ki, birinci Avropa Oyunlarının keçirilməsi zamanı istifadə olunacaq Atletlər kəndi 383 min kvadratmetr sahəni əhatə edir. Atletlər kəndi Oyunların keçiriləcəyi əsas idman komplekslərinə – Bakı Olimpiya Stadionuna, Milli Gimnastika Arenasına və Heydər Əliyev Beynəlxalq Aeroportuna yaxın olmaqla yanaşı, şəhərin müxtəlif istiqamətlərinə gediş-gəlişin rahat və sərfəli olduğu bir ərazidə yerləşir.
Prezident İlham Əliyev və xanımı Mehriban Əliyeva atletlərin qalacağı binalarda yaradılan şəraitlə tanış oldular. On üç yaşayış binasından, yardımçı binalardan ibarət kompleksdə iki, üç və dördotaqlı 1042 mənzil var. Hər mənzil isə 2, 4 və 6 yataq otağından ibarətdir. Burada ümumilikdə 7499 atlet və rəsmi şəxs yerləşə biləcək. Atletlər kəndində idmançılar və komanda rəsmiləri üçün təhlükəsiz, rahat yaşayış şəraiti yaradılıb. Hər binanın birinci mərtəbəsində ümumi istirahət yerləri var. Burada pulsuz internetə çıxış imkanı olacaq.

Daha bir layihəmizin açılışı oldu! – “Dalğa Beach-Aqua Park”

Azərbaycan Respublikasının prezidenti İlham Əliyev və xanımı Mehriban Əliyeva avadanlıq satışı ve quraşdırılması Akond MMC tərəfindan reallaşdırılan “Dalğa Beach-Aqua Park” ailəvi istirahət mərkəzinin açılışında iştirak edib.
Paytaxtın Xəzər rayonunun Mərdəkan qəsəbəsində yeni inşa edilmiş “Dalğa Beach-Aqua Park” xidmətin müxtəlifliyi və quruluşunun cazibədarlığı ilə fərqlənir. Ailəvi istirahət parkında yaradılan şəraitlə bağlı dövlətimizin başçısına məlumat verildi. Qeyd edildi ki, “Dalğa Beach-Aqua Park”ın ümumi sahəsi 68 min kvadratmetrdir. Ərazisinə görə bu, Azərbaycanda ən böyük Aqua Parkdır. Xəzər dənizinin sahilində yerləşən istirahət mərkəzi nəfis tərtibatda, orijinal üslubda inşa olunub. İstirahət kompleksində ümumi sahəsi 12 min kvadratmetr olan 7 hovuz yaradılıb. Bu hovuzlarda qonaqlar süni dalğalar vasitəsilə sörfinqlə məşğul ola biləcəklər.
Qonaqların istirahətinin mənalı təşkili üçün ərazidə hər şey yüksək zövqlə tərtib olunub. Rəngarəng yaşıllıq guşələri, hovuzların əlverişli arxitektura ilə salınması istirahət üçün buraya üz tutanlarda gözəl əhval-ruhiyyə yaradacaq. İstirahət mərkəzinə gələnlərə buradakı restoranlarda Azərbaycan və dünya mətbəxinin nümunələri, həmçinin dəniz məhsullarından hazırlanmış müxtəlif çeşidli yeməklər təklif olunacaq. Yeni istirahət mərkəzini fərqləndirən əsas cəhətlərdən biri də burada daimi fəaliyyət göstərən və orijinallığı ilə seçilən su attraksionunun olmasıdır.

“Neftqaztikinti” Trestinin yeni inzibati binası istifadəyə verildi

Avadanlıq satışı ve quraşdırılması Akond MMC tarafından gerçəkləşdirilən “NeftQazTikinti” Trestinin yeni inzibati binasının açılışı Rövnəq Abdullayev tərəfindən reallaşdırıldı. Tədbir şirkət rəhbərliyi nümayəndələrinin iştirakı ilə təntənəli şəkildə keçirilmişdir.
Rəmzi qırmızı lenti kəsən Rövnəq Abdullayev və onu müşaiyət edən şəxslər binaya baxış keçirmiş, yaradılmış şəraitlə tanış olmuşlar. SOCAR prezidentinə məlumat verilmişdir ki, Bakı Dövlət Layihə İnstitutu tərəfindən layihələndirilmiş bina Bakının Xətai rayonu, Zığ yolu üzərində tikilmişdir. Binanın inşasına ötən ilin yanvar ayından başlanılmışdır. “Neftqaztikinti” Trestinin 5 saylı Tikinti-Quraşdırma İdarəsi tərəfindən inşa olunmuş yeni inzibati bina pilləvari olmaqla, 3, 5 və 7 mərtəbədən ibarətdir. İnzibati binada hər cür avadanlıqlarla təchiz olunmuş 90 iş otağı, 240 nəfərlik böyük və 30 nəfərlik kiçik konfrans zalları, yeməkxana, eləcə də 100 avtomobillik yeraltı dayanacaq mövcuddur. Bundan başqa, binanın ərazisində 2 ədəd yeni 1000 kVt-luq yarımstansiya, qazanxana və hər biri 150 kubmetrlik 2 ədəd su çəni inşa edilmişdir. Yeni inzibati bina avtomatik yanğınsöndürmə sistemi ilə də təchiz olunmuşdur. 8247 kvadrat metrə yaxın sahəsi olan inzibati binanın ətrafı abadlaşdırılmış, asfalt örtüyü salınmış, yaşıllıqlar salınmışdır. SOCAR prezidenti Rövnəq Abdullayev yeni inzibati binada yaradılmış şəraitdən, görülmüş işlərdən razı qaldığını söyləmişdir. O, yeni binanın açılışı münasibəti ilə kollektivi təbrik etmiş, onlara gələcək fəaliyyətlərində uğurlar arzulamışdır. SOCAR prezidenti Rövnəq Abdullayev neftçilərin əmək şəraitinin yaxşılaşdırılması istiqamətində həyata keçirilən tədbirlərin bundan sonra da davam etdiriləcəyini bildirmişdir.

Bakı Atıcılıq Mərkəzinin açılışı

Avadanlıq satışı Akond MMC tərəfindən gerçəkləşdirilən “Bakı Atıcılıq Mərkəzi” və “Bakı Atıcılıq Mərkəzi Otel” layihələrinin açılışı Prezident İlham Əliyev tərəfindən reallaşdı. Açılışda həmçinin birinci Avropa Oyunları Təşkilat Komitəsinin sədri Mehriban Əliyeva və ailə üzvləri də iştirak edirdi.
Müasir idman infrastrukturuna malik Azərbaycan, eyni zamanda, beynəlxalq yarışları keçirmək təcrübəsinə də malikdir. Birinci Avropa Oyunlarına hazırlıqla bağlı işlər yüksək səviyyədə həyata keçirilir. Bakı Atıcılıq Mərkəzinin istifadəyə verilməsi də görülən tədbirlərin mühüm tərkib hissəsidir. Onu da deyək ki, bu mərkəz Avropada ən böyük atıcılıq komplekslərindən biridir. Mərkəzdə 495 avtomobil yerlik yerüstü, həmçinin 26 avtomobil yerlik VİP dayanacaqlar da inşa edilib. Burada içməli və yanğına qarşı su anbarları, qazanxana və nasosxana, transformator və generator məntəqələri var. Bu idman obyekti ayrıca qaz, su, kanalizasiya, elektrik, rabitə, yüksəksürətli internet xətləri ilə təchiz edilib. Obyektdə havalandırma, yanğın xəbərverici və yanğınsöndürmə, işıqlandırma sistemləri, təhlükəsizlik kameraları quraşdırılıb. Belə müasir idman kompleksinin istifadəyə verilməsi “Bakı-2015” ilk Avropa Oyunları zamanı bu idman növləri üzrə də yarışların yüksək səviyyədə keçirilməsinə imkan yaradacaq.

2014-cü ilin ən yaxşı distribyutoru!

Hisense firmasının Azərbaycanla bərabər ABŞ, Brazilya, Yaponiya, Rusiya, Polşa, Malaziya, Türkiyə, Ukrayna Və Gürcüstan kimi ölkələrdə həmçinin rəsmi dillerlərinin olmasına baxmayaqraq bu il yenidən Akond MMC-ni 2014-cü ilin ən yaxşı distribyutoru elan etdi! Bu firma olaraq bizim və bizə qiymət verən müştərilərimizin uğurudu!

Dubay “The Big 5” sərgisinə iştirak etdik

Dubay “The Big 5” sərgisinə iştirak etdik.
Sərgidə HVAC (iqlim) avadanlıqları, ventilyasiya / istilik / kanalizasiya sistemləri, su filtrləri, plastik borular, fittinqlər, qaynaq aparatları, radiatorlar, qazanlar (boylerlər), su çənləri, günəş enerjisi ilə işləyən kollektorlar / hava qızdırıcıları, soyuducu aqreqatlar, havalandırma / ventilyasiya kanalları, hava şlanqları, qaz filtrləri /tənzimləyiciləri, istilik mübadiləsi qurğuları və bir sıra digər məhsullar geniş nümayiş etdirilir.